NATO Şərqi Avropada qüvvələrinin sayını artırmağı planlaşdırır.

Axar.az xəbər verir ki, bu barədə ABŞ-ın "Val Strit Jurnal" qəzeti alyans və ABŞ-dakı mənbələrinə istinadən məlumat yayıb.

Məlumata görə, belə bir qərar NATO-nun müdafiə nazirlərinin növbəti həftə baş tutacaq görüşündə qəbul oluna bilər. Bu qərarın xüsusilə Latviya, Litva, Estoniya və Polşaya (hər biri Rusiya ilə sərhəddir – red.) görə verildiyi bildirilir.

"Röyter" agentliyi isə Polşanın bütün cəhdlərinə baxmayaraq, NATO-nun bu ölkədə daimi hərbi baza saxlamağı düşünmədiyini yazıb.

Məlumata görə, NATO-nun Avropada qoşunlarının sayını artırması Soyuq müharibə illərindən bu yana ən yüksək səviyyədə ola bilər. Alyansın bu qərarı Rusiyanın hərəkətlərinə, xüsusilə Krımı birləşdirməsinə görə atdığı bildirilir.