Rusiya Suriyada mülki şəxsləri hədəf almayıb və əməliyyatlarda qadağan olunmuş silahlardan istifadə etməyib.

Axar.az xəbər verir ki, bu barədə Rusiya Xarici İşlər Nazirliyi açıqlama yayıb.

"Rusiya Hərbi Hava Qüvvələri Suriyada yalnız terrorçuların mövqelərini hədəf alır. Terrorçuların hədəfləri haqqında məlumatlar İraqın paytaxtı Bağdad şəhərində yerləşən kəşfiyyat orqanlarından əldə edilir. Bundan əlavə, Rusiya əməliyyatlarda qadağan olunmuş silahlardan istifadə etmir", - məlumatda deyilib.

Qeyd edək ki, Türkiyə mətbuatında Rusiya qırıcılarının Suriyada mülki şəxsləri hədəf aldığı barədə müntəzəm olaraq məlumat yayılır.

Rusiya son zamanlar Suriyanın Həma, Xüms, Hələb və İdlib kimi iri şəhərlərində hücumları intensivləşdirib.