Ana səhifə Planet |
Astana heç vaxt Ankara ilə əməkdaşlıq siyasətindən
imtina etməyəcək.
Publika.az xəbər verir ki, bu sözləri
Qazaxıstan Prezidenti Nursultan Nazarbayev Türkiyənin Baş naziri
Əhməd Davutoğlu ilə görüşdə deyib.
Dövlət başçısı türk vektorunun ölkənin siyasəti üçün əhəmiyyətli
olduğunu vurğulayıb.
Nazarbayev qeyd edib ki, Qazaxıstan müstəqilliyinin ilk günlərindən
qardaş xalqların yaxınlaşması üçün səy göstərir. Onun sözlərinə
görə, türk rəhbərliyi ilə sıx iş nəticəsində Qazaxıstan uzun illər
ərzində itirilən əlaqələri bərpa etməyi bacarıb.
"Qazaxıstan üçün Türkiyənin qiyməti çox böyükdür. Biz Ankara ilə
əməkdaşlıq siyasətindən heç vaxt imtina etməyəcəyik", - Nazarbayev
deyib.
O, həmçinin əlavə edib ki, Türkiyənin ətrafında artan geosiyasi
gərginlik Qazaxıstana da təsir göstərir. Nazarbayev Türkiyə və
Rusiya arasındakı münasibətlərdə yaranan böhranı "böyük problem"
adlandırıb. "Hər iki ölkə bizim əhəmiyyətli müttəfiqimiz və
partnyorumuzdur", - prezidenti vurğulayıb.
Tarix
2016.02.06 / 23:04
|
Müəllif
Axar.az
|