İraq ordusu Mosulu azad etmək üçün hərəkətə keçib. Ölkənin şimalına minlərlə əsgər göndərilib.

Axar.az xəbər verir ki, bu barədə "Frans-Press" agentliyi məlumat yayıb.

"İraqın ordu qüvvələri Mosulu geri almaq məqsədilə Mahmur bölgəsinin yaxınlığında yerləşən hərbi bazaya gəlib. Hərbi baza Mosuldan 70 kilometr uzaqlıqda yerləşir. Mosul əməliyyatında 15 və 16-cı bölüklərin iştirak etməsi gözlənilir. Ümumi əsgər sayı 4500 nəfərdir. Ordunun ilk hədəfi İŞİD-in cənub və şimalla əlaqəsini kəsməkdir", - məlumatda bildirib.

Peşmərgə qüvvələrinin sözçüsü Halqurd Hikmətin bildirdiyinə görə, bölgəyə gətirilən əsgərlərin əksəriyyəti kürdlərdir.