Türkiyənin hakim Ədalət və İnkişaf Partiyasının rəhbərliyi Nobel Komitəsinə müraciət edib.

Axar.az xəbər verir ki, partiya Komitəyə müraciət etməklə builki Nobel Sülh Mükafatının Türkiyənin Kilis şəhərinə verilməsini istəyib. Buna səbəb kimi 129 min əhalisi olan Kilis şəhərinin 120 min suriyalı immiqrantı qəbul etməsi göstərilib.

Partiya rəhbərliyi məsələ ilə bağlı belə açıqlama verib:

"Hökumətimiz, müharibə kimi insan haqlarını pozan məsələlərə böyük həssaslıqla yanaşır. Əvvəldən "açıq qapı" siyasətini həyata keçirib və bu siyasəti davam etdirməkdədir. Ölkəmizin vətəndaşları da bu mövzuya hökumətimiz kimi həssaslıqla yanaşır".