Almaniya Maliyyə Nazirliyi Ukraynanın Rusiyaya olan 3 milyard dollar borcunun qaytarılması üçün Moskva ilə kompromisə getməli olduğunu bildirib.

Axar.az xəbər verir ki, bu barədə informasiyanı "Blumberq" agentliyi yayıb.

Qeyd edək ki, Ukrayna bir müddət öncə Yanukoviç dövründə Kiyevin aldığı 3 milyard dolları Rusiyaya geri qaytarmayacağını bəyan edib. Lakin sonradan Kiyevə olan təzyiqlər onun mövqeyini nisbətən yumşaltmasına səbəb olub. Borcun qaytarılması məsələsində vasitəçi olan Almaniya bir müddət öncə Kiyevin borcun restrukturasiyası ilə bağlı təklifini Moskvaya verib. Lakin bu təkliflərdən heç biri Rusiyanı qane etməyib.