Donald Trampın yenidən seçiləcəyi təqdirdə ABŞ-ı NATO-dan çıxaracağı ilə bağlı təhdidləri ciddi qəbul edilməlidir.

Axar.az xəbər verir ki, bunu ABŞ Prezidentinin milli təhlükəsizlik üzrə keçmiş müşaviri Con Bolton deyib.

“Düşünürəm ki, Trampın bəyanatları kifayət qədər ciddi qəbul edilməlidir. İndi bir çox insan - Trampın tərəfdarları da, əleyhdarları da bunu qəbul etmir. O, ABŞ-ın NATO-dan çıxmasını istədiyini deyəndə, hesab edirəm ki, bu, çox real təhlükədir və bunun Vaşinqton üçün çox pis nəticələri olacaq. Həm də təkcə Şimali Atlantika bölgəsində deyil, daha geniş miqyasda”, - Bolton bildirib.