Səudiyyə Ərəbistanı Türkiyənin İncirlik hərbi bazasına döyüş təyyarələri göndərməyə hazırlaşır.

Axar.az xəbər verir ki, Suriyada İŞİD terrorçularına qarşı əməliyyatda iştirak edəcək reaktivlər bu həftə ərzində bazaya göndəriləcək.

İlkin mərhələdə krallığın 8-10 reaktivi əməliyyatlarda iştirak edəcək.

Xatırladaq ki, Türkiyənin Xarici İşlər naziri Mövlud Çavuşoğlu Suriyada quru əməliyyatlarının başlanacağını istisna etməyib.

"Yeni Şəfəq" qəzetinə açıqlama verən nazir Ər-Riyadın da əməliyyatlara dəstək verəcəyini bildirib:

"Türkiyə və Səudiyyə Ərəbistanı başından bəri Suriya və İŞİD-lə mübarizə məsələsində quru əməliyyatlarının tərəfdarı olub. Bütün koalisiya görüşlərində belə bir strategiyaya ehtiyac olduğunu söyləmişik. Əgər belə bir qərar verilərsə, Türkiyə və Səudiyyənin quru əməliyyatlarına qoşula biləcəyini demişik. Səudiyyə İncirlik bazasında kəşfiyyat işləri aparıb. Tezliklə İŞİD-lə mübarizə üçün qırıcılarını göndərəcək. Lazım gələrsə, əsgər də göndərəcəklərini bildiriblər".