Bu gün Türkiyə Silahlı Qüvvələri Suriyanın Azez bölgəsində sərhədlərimiz üçün təhlükə yaradan qruplaşmalara müdaxilə edib.

Axar.az xəbər verir ki, bu sözləri Türkiyə Baş naziri Əhməd Davudoğlu silahlı qüvvələrin YPG qruplaşmasını atəşə tutmasına münasibət bildirərkən deyib.

"Əsəd rejimi və Rusiya ilə əlbir olan YPG terror qruplaşması Azezə qarşı hücuma keçdi. Bu hücumlar zamanı sərhədlərimiz üçün təhlükə yarandı. Müdaxilə etməyimiz lazım gəldi. Bu səbəbdən silahlı qüvvələrimiz YPG-yə müdaxilə etdi. ABŞ-ın vitse-prezidenti Co Baydenlə bu barədə danışdıq və Türkiyənin bu təhlükəyə qarşı önləyici tədbirlər görəcəyini bildirdim. YPG Azez bölgəsindən uzaqlaşıdırılacaq", - Davudoğlu vurğulayıb.