Gürcüstanın NATO-ya üzvlüyü Abxaziyanın milli təhlükəsizliyi üçün birbaşa təhdiddir.

Axar.az xəbər verir ki, bunu jurnalistlərə açıqlamasında qondarma qurumun "Təhlükəsizlik Şurası"nın sədri Məhəmməd Kilba söyləyib. Onun sözlərinə görə, Gürcüstan məhz Alyans vasitəsilə Abxaziyanı yenidən öz tərkibinə qata bilər:

"Rusiya 2008-ci ildə yüzminlərlə insanın həyatını xilas etmək üçün Abxaziya və Cənubi Osetiyanın müstəqilliyini tanıdı. O, bu qərarını heç vaxt dəyişməyəcək. Rusiya ilə imzaladığımız müttəfiqlik və strateji tərəfdaşlıq haqqında müqavilə Abxaziyanın müdafiəsi üçün əlavə zəmanətdir".

Qeyd edək ki, Abxaziya Gürcüstanın tərkib hissəsidir. 1992-ci ildən etibarən seperatçı qrupların fəaliyyəti nəticəsində Abxaziyaya nəzarət Tiflisin əlindən çıxıb.