İrəvanda "Mən də əleyhinəyəm" adlı şüar altında aksiyalar davam edir.

"Axar.az"ın məlumatına görə, mitinq pensiya sistemindəki məcburi ödənişlərlə bağlı uyğunsuzluğa qarşıdır. Maraqlısı budur ki, Serj Sarkisyanın ən ciddi rəqibi olan "İrs" partiyasının lideri Raffi Ovannisyan diqqət çəkən bəzi fikirlər səsləndirib. Onun sözlərinə görə, erməni xalqının öz "Maydan"ı yetişməkdədir: "Qələbəmiz təmin olunmayana qədər aksiyalara ara verməməliyik. Çətinliklər gündən-günə çoxalır. Bizim gənclərimiz başa düşməlidir ki, ölkə Konstitusiya ilə idarə olunmayana qədər maddi təminatımızın sığortalanmasından söhbət belə getməyəcək".