Səudiyyə Ərəbistanında bir neçə ölkənin iştirakı ilə "Şimalın şimşəyi" adlı hərbi təlimlər keçirilib.

Axar.az xəbər verir ki, bu barədə Səudiyyə Ərəbistanının rəsmi SPA agentliyi məlumat yayıb.

Məlumata görə, təlimlər ölkənin şimalında yerləşən Kral Xalid hərbi şəhərciyində baş tutub. Təlimlərdə eyni anda hava, dəniz və quru qüvvələrinin iştirak etdiyi bildirilib.

Qeyd edək ki, Birləşmiş Ərəb Əmirlikləri (BƏƏ), İordaniya, Bəhreyn, Kuveyt, Pakistan, Qətər və bir sıra Afrika ölkələri təlimlərdə iştirak edib.