Cənubi Osetiyanın Rusiyanın tərkibinə daxil olması üçün referendum keçiriləcək.

Axar.az xəbər verir ki, bunu qondarma Cənubi Osetiyanın lideri Leonid Tibilov əhaliyə müraciəti zamanı söyləyib. Onun sözlərinə görə, bununla bağlı 2016-cı ildə də Rusiya ilə danışıqlar aparılacaq:

"Bizim aramızda aparılan danışıqlarda ruslar konstitusiyaya əlavə dəyişikliklər edilməsini təklif edirlər. Bu dəyişikliyə əsasən Rusiyanın tərkibinə girməklə bağlı bu ölkənin ən yuxarı dairələrinə müraciət etmək üçün prezidentə əlavə hüquqlar verilməlidir".

Qeyd edək ki, Cənubi Osetiya Gürcüstanın tərkib hissəsidir. 2008-ci il avqust müharibəsindən sonra Rusiya, Venesuela, Nikaraqua, Nauru və Tuvalu dövlətləri bu ölkənin müstəqilliyini tanıyıblar. Keçən il Moskva bu qondarma rejimlə müttəfiqlik haqqında müqavilə imzalayıb.