Taliban qüvvələri ilə döyüşən Əfqanıstan ordusu strateji əhəmiyyətə malik Helmand vilayətindən geri çəkilib.

Axar.az xəbər verir ki, bunu Əfqanıstan ordusunun komandanı Məhəmməd Muin Fakir deyib.

O bildirib ki, ordu qüvvələri Musa Qala və Kabilin şimal və cənub bölgələri arasında strateji nöqtələri əldən verib.

Helmand vilayətinin nümayəndəsi də faktı təsdiqləyib:

"Hökumət qüvvələri bu gün geri çəkildi. Yaxın zamanda Kajai, Gereşk və Sangin bölgələri də itiriləcək".

Taliban tərəfi isə açıqlamasında Musa Qala və digər bölgələrdə zirehli texnika və silah-sursatları ələ keçirdiyini bildirib.

Qeyd edək ki, ABŞ Talibana qarşı döyüşdə Əfqanıstan ordusuna dəstək olmaq üçün Helmand vilayətinə yüzlərlə əsgər göndərmişdi.