Serbiyalı diplomatlar öldürülməsəydi, azadlığa buraxılacaqdı.

Axar.az xəbər verir ki, bu sözləri Serbiya Baş naziri Aleksandr Vuçiç ABŞ-ın Liviyada İŞİD-ə qarşı təşkil etdiyi hava zərbələri nəticəsində ölən serb diplomatlarla bağlı açıqlama verərkən deyib.

"Vətəndaşlarımız və orada olan təsadüfi şəxslər konfliktlərin qurbanı oldu. Diplomatlarımızı qaçıranların arxasında Əhməd Habaşi ailəsi dayanır. ABŞ tərəfi İŞİD terrorçularının serb diplomatlarını girovda saxladığını bilmirdi", - Vuçiç vurğulayıb.

Qeyd edək ki, Liviyanın Sabrat şəhərində İŞİD terrorçuları tərəfindən qaçırılan Serbiya səfirliyinin iki əməkdaşı bu gün ABŞ-ın təşkil etdiyi hava hücumları nəticəsində həlak olub.