Florida ştatının keçmiş qubernatoru, respublikaçı namizəd Ceb Buş Cənubi Karolinada keçirilən ilkin seçkilərdən sonra ABŞ prezidentliyi uğrunda mübarizəni dayandırıb.

Axar.az xəbər verir ki, bu barədə ictimaiyyətə Ceb Buşun özü məlumat verib.

"İnsanlar Ayova və Nyu Hempşirdən sonra da seçimlərini etdilər. Bu gündən etibarən seçki kampaniyamın başa çatdığını elan edirəm", - Buş bildirib.

İlkin məlumatlara görə, Buş Cənubi Karolinada seçicilərin cəmi 8 faiz səsini qazana bilib.

Qeyd edək ki, Respublikaçılar Partiyasının Cənubi Karolinada keçirdiyi seçkinin qalibi Donald Tramp olub.

Demokratlar Partiyasının Nevada ştatında keçirdiyi seçkini isə 52 faiz səslə Hillari Klinton qazanıb.