Avropa Liqası çərçivəsində "Fənərbaxça" ilə keçirilən oyundan sonra formasını çıxarıb Rusiya Prezidenti Vladimir Putinin şəklini göstərən və bu hərəkəti ilə klubu tərəfindən 300 min avro cərimələnən "Lokomotiv Moskva"nın oyunçusu Dmitri Tarasova Çeçenistanın lideri Ramzan Kadırovdan dəstək gəlib.

Axar.az xəbər verir ki, Kadırov İnstaqramda yazdığı mesajda futbolçunun cəriməsini ödəmək istədiklərini bildirib.

"Mənə görə Tarasov həqiqi vətənpərvərdir. Çeçenistanın "Terek" klubu Tarasovu almağa və cəriməsini ödəməyə hazırdır. Əgər Dmitri və "Lokomotiv Moskva" bu təklifimizi qəbul etməzsə, onda Tarasovun borcunu ödəmək istəyirik", - Kadırov deyib.