Birləşmiş Ərəb Əmirlikləri Türkiyəni Rusiyanı tərəvəz və meyvə ilə təmin etmək məsələsində əvəzləyə bilər.

Axar.az xəbər verir ki, bu barədə jurnalistlərə Rusiyanın Kənd Təsərrüfatı naziri Aleksandr Tkaçev deyib.

"Biz Türkiyədən idxalı dayandırılan tərəvəz və meyvəni BƏƏ-dən almaq istəyirik", - Tkaçev bildirib.

Nazir bir müddət öncə isə BƏƏ-dən ət və ət məhsullarının idxalını artırmaq niyyətində olduqlarını açıqlamışdı.

Qeyd edək ki, ötən ilin noyabrında Türkiyənin Rusiyaya məxsus Su-24 bombardmançısını vurmasından sonra rəsmi Moskva Ankaradan tərəvəz və meyvə idxalını dayandırıb.