Yəmənin cənubunda yerləşən Ədən şəhərində briqada generalı Əbd Rəbbu Hüseyn əl İsrail öldürülüb.

Axar.az xəbər verir ki, bu barədə informasiyanı "Sputnik" agentliyi yayıb. Öldürülən şəxsin Yəmən Prezidenti Əbd Rəbbu Mənsur Hadinin ən yaxın adamlarından biri olduğu bildirilir. General evinə gedən zaman pulemyotdan avtomobilinə açılan atəş nəticəsində qətlə yetirilib.

Qeyd edək ki, hazırda Yəməndə vətəndaş müharibəsi gedir. Hadini legitim prezident kimi tanımayan şiə husilər onun hakimiyyətdən uzaqlaşdırılması üçün silahlı mübarizə aparırlar.