Ukrayna Milli Təhlükəsizlik və Müdafiə Şurasının 2014-cü ildə fevralın 28-də keçirilmiş iclasının stenoqramı yayılıb.

Axar.az Ukrayna mətbuatına istinadla xəbər verir ki, stenoqramda Rusiya hərbçilərinin Ukrayna sərhədində necə toplaşması haqqında məlumat əksini tapıb.

"Təlim adı altında rus qoşunlarının bütün Rusiya-Ukrayna sərhədi boyunca hərəkətliliyi müşahidə edilir. Kiyev, Xarkov və Donetsk istiqamətində artıq 38 hərbi birləşmə, 761 ədəd tank, 2200 ədəd zirehli avtomobil, 720 ədəd artilleriya sistemi, 40-a yaxın zərbəçi vertolyot, 90-a yaxın döyüş təminatını həyata keçirən vertolyot və 90-a yaxın qırıcı təyyarə yerləşdirilib. Qara dəniz akvatoriyasında hərbi növbətçiliyə 80 Rusiya hərbi gəmisi çıxıb", - stenoqramda qeyd edilir.

Qeyd edək ki, Rusiya 2014-cü ilin martında Krımı anneksiya edib.