Gürcüstanın Demokratik Hərəkat Partiyasının sədri Nino Burcanadze fevralın 19-da Moskvada Rusiya Xarici İşlər nazirinin müavini Qriqori Karasinlə görüşüb.

Axar.az xəbər verir ki, bu barədə informasiyanı Gürcüstan mətbuatı yayıb.

Qeyd edək ki, esk-spiker rusiyayönlü siyasətin tərəfdarıdır. Bu, artıq onun son yeddi ay ərzində Rusiyaya üçüncü səfəridir. O, 2015-ci ildəki səfərləri zamanı Xarici İşlər nazirinin müavini Qriqori Karasin, Rusiya Dumasının spikeri Sergey Narışkin, Rusiya Federasiya Şurasının spikeri Valentina Matvienko ilə görüşüb. Üstəlik, keçən ilki səfərləri zamanı Burcanadze Krımın Rusiyaya aid olduğunu və Ukrayna böhranında Moskvanı dəstəklədiyini bildirib.