Rusiya atəşkəs razılaşmasına uyğun olaraq Suriyadakı Hmeymim hərbi bazasında koordinasiya mərkəzi yaradacaq.

Axar.az xəbər verir ki, bu sözləri Rusiya Müdafiə Nazirliyinin sözçüsü İqor Konaşenkov deyib.

"Mərkəzin yaradılmasında məqsəd atəşkəs müddəti ərzində Suriya hökuməti ilə müxalifət nümayəndələri arasında görüşlərin təşkil edilməsi, atəşkəs razılaşmasının imzalanmasına və humanitar yardımların təşkilinə yardımçı olmaqdır", - Konaşenkov vurğulayıb.

Qeyd edək ki, dünən ABŞ Prezidenti Barak Obama və Rusiya lideri Vladimir Putin arasında əldə edilən razılaşmaya görə, fevralın 27-dən Suriyada atəşkəs elan ediləcək.