Moskva rəsmi İrəvanla hərbi-texniki sahədə əməkdaşlıq edir. Biz bu faktı heç vaxt inkar etməmişik.

Axar.az xəbər verir ki, bu sözləri Rusiya Xarici İşlər Nazirliyinin sözçüsü Mariya Zaxarova keçirdiyi brifinq zamanı deyib:

"Azərbaycan tərəfinin bu faktdan xəbəri var. Çünki bizim Ermənistanla əməkdaşlığımız şəffaf və açıqdır. Biz ümidvarıq ki, Azərbaycan tərəfi bunu anlayışla qarşılayacaq".

Zaxarova Azərbaycanın Rusiyaya nota verməsi məsələsinə də toxunub:

"Azərbaycanın Rusiyaya nota verməsini iki ölkənin daxili işlərinə qarışmaq kimi qiymətləndirmək düzgün olmazdı. Zənnimcə, hər bir dövlətin qonşularının fəaliyyəti ilə maraqlanmaq hüququ var".