Ana səhifə Planet |
Rusiya Prezidenti Vladimir Putin dollara səssiz hücuma başlayıb.
Axar.az xəbər verir ki, bu barədə Almaniyanın "Die Velt" qəzeti yazıb.
Qəzet Rusiyanın son vaxtlarda qızıl ehtiyatlarını artırdığını qeyd edib:
"Bütün maliyyə çətinliklərinə baxmayaraq, Rusiya son vaxtlar qızıl ehtiyatlarını artırır. Putin qızıl alır, lakin bunu təntənəsiz edir. Bu, dolların hakimiyyətinə səssizcə edilən hücumdur. 2016-cı ilin yanvarında Rusiyanın qızıl ehtiyatları 20 ton çoxalıb və hazırda 1300 tondan artıqdır. Siyasətçilər Moskva ilə Qərb arasında yeni Soyuq müharibənin başlamasından qorxur. Halbuki döyüş uzun zamandır maliyyə sektorunda davam edir. Putin qızıl almaqla Qərb valyutalarının hakimiyyətini azaltmağı planlaşdırır. Çünki hazırda qızıl almağın heç bir iqtisadi əsası yoxdur. Rusiya 1990-cı illərdən bu yana ən ağır iqtisadi böhranını yaşayır. Rubl getdikcə ucuzlaşır və buna görə də hər bir dollar belə ölkəyə fayda verir. Putin nə olursa-olsun, dollardan imtina etmək istəyir. Çünki Vaşinqtonun həqiqətən də dollardan maliyyə silahı kimi istifadə edə biləcəyini bilir. Qızıl böhrana qarşı qorunmanı təmin edir və ya əksinə qızıl alışları Putinin mövcud xarici siyasətinə davam etmə niyyətində olduğunu göstərir".
Tarix
2016.02.26 / 15:53
|
Müəllif
İlham Sahiloğlu
|