Səs itirməyimizə səbəb 10 ay əvvəl seçkilərdə iştirak edən kəsimin bu dəfə seçkiyə getməməsi oldu.

Axar.az xəbər verir ki, bu barədə Türkiyə Prezidenti Rəcəb Tayyib Ərdoğan AKP-nin iclasında deyib.

“Qurulduqdan yalnız 15 sonra bizi iqtidara layiq görən, hələ 10 ay əvvəl seçkilərdə partiyamızı birinci edən, indiyə qədər bütün seçkilərdə yanımızda olan, nəhayət son 22 ildə tam 17 dəfə seçkilərdə bizi dəstəkləyən millətimizin 31 martda bizi nə üçün CHP-nin gerisində qoyduğunu yaxşı analiz etməliyik”, - deyə Ərdoğan bildirib.

Qeyd edək ki, 31 martda Türkiyədə yerli idarəetmə orqanlarına seçkilərdə hakim AKP əhəmiyyətli dərəcədə səs itirib və müxalif CHP-yə uduzub.