Suriyanın 34 bölgəsində atəşkəs rejiminə əməl olunur.

Axar.az xəbər verir ki, bu sözləri Rusiya Baş Qərargahının nümayəndəsi Sergey Rudsko məlumat verib.

Onun sözlərinə görə, Suriya ordusu və 17 silahlı birləşmə atəşkəsə əməl edir:

"Rusiya yaşıl bölgədə, yəni bizə atəşkəs üçün müraciət edən silahlı qrupların yer aldığı bölgələrdə hava hücumlarını tamamilə dayandırıb. Suriya ordusu fevralın 23-də atəşkəsə razılıq verib".

Rusiya Müdafiə Nazirliyi də bu gün Suriyada hava əməliyyatı keçirmədiyini açıqlayıb. Suriyanın 34 bölgəsində qarşıdurmaların dayandığını açıqlayan nazirlik ABŞ-dan Suriyadakı atəşkəs bölgələri ilə bağlı xəritə aldıqlarını bildirib.

Qeyd edək ki, fevralın 22-də Rusiya lideri Vladimir Putinlə ABŞ Prezidenti Barak Obama arasında Suriyada atəşkəsin təmin olunması ilə bağlı razılıq əldə olunub.