Suriyaya müdaxilə planına sərt reaksiya göstərən İran ali dini lideri Ayətullah Əli Xamneyi Mütəxəssislər Toplantısında kimyəvi silahlardan istifadə iddialarının "bəhanə" olduğunu vurğulayaraq, "ABŞ Suriya mövzusunda böyük səhvə yol verir və şübhəsiz ki, İraq və Əfqanıstanda olduğu kimi, bunun da əziyyətini çəkəcək" - deyib.

Toplantıda çıxış edən Qüds Gücünün başqanı Qasım Süleymani də bildirib ki, ABŞ-ın məqsədi insan haqlarını qorumaq deyil, İsrailə qarşı müqavimət dəstəsini yox etməkdir. Suriyanı sonuna qədər dəstəkləyəcəyik.

Yeri gəlmişkən, 9 sentyabrda Suriya Xarici İşlər naziri Vəlid Müəllimin Rusiyanın paytaxtı Moskvaya səfər edəcəyi açıqlanıb.