Dünya Bankı Türkiyəyə dəstəyini 17 milyarddan 35 milyard dollara çatdırıb.

Axar.az xəbər verir ki, bunu Türkiyənin xəzinə və maliyyə naziri Mehmet Şimşək deyib.

"Dünya Bankı ilə güclü əməkdaşlığımız çərçivəsində növbəti 5 illik dövr üçün maliyyə əməkdaşlığı proqramı yaradılıb. Əldə olunan razılaşmaya əsasən, ilk 3 ildə Türkiyəyə əlavə 18 milyard dollar maliyyə ayrılacaq. Sözügedən məbləğin 6 milyard dollarını Beynəlxalq Yenidənqurma və İnkişaf Bankı, 9 milyardını isə Beynəlxalq Maliyyə Korporasiyası təmin edəcək.

Çoxtərəfli İnvestisiyalar üzrə Zəmanət Agentliyi tərəfindən ayrılacaq 3 milyard dolların təxminən üçdə ikisinin isə özəl sektorun inkişafına yönəldilməsi nəzərdə tutulur", - nazir bildirib.