"Forbes" dərgisi "Ən varlı 100 Türk" adlı reytinqini açıqlayıb.

Publika.az xəbər verir ki, siyahıya görə, "Yıldız Holding"in rəhbəri Murat Ülkər 4,4 milyard dollarlıq sərvəti ilə ən varlı türkdür.

İkinci yerdə "Fiba Holding"in sahibi Hüsnü Özyegin durur. Onun sərvəti 2,7 milyard dollar qiymətləndirilir.

Reytinqin 3-cüsü isə "Koç Holding"dən Semahat Sevim Arseldir. Onun varidatı 2,6 milyard dollardır.

Qeyd edək ki, "Forbes"in reytinqində azərbaycanlı iş adamı Mubariz Qurbanoğlu (Mənsimov) da var. "Palmali" şirkətlər qrupunun sahibi 1,3 milyard dollarla siyahıda 18-ci yerdə qərarlaşıb.

47 yaşlı biznesmen evlidir, 3 övladı var.

Reytinqin ilk onluğunu təqdim edirik.