Amerika Birləşmiş Ştatları Cənubi Qafqaz regionunda hər kəsin, o cümlədən Ermənistanı tərk etmiş azərbaycanlıların hüquqlarına riayət olunmasını dəstəkləyir.

Axar.az xəbər verir ki, bu barədə Report-a Birləşmiş Ştatların Azərbaycandakı səfirliyindən ABŞ tərəfinin 30 il əvvəl qovulan və Ermənistana qayıtmaq istəyən azərbaycanlılara dəstək verməyə hazır olub-olmaması ilə bağlı sual cavablandırılarkən bildirilib.

"Amerika Birləşmiş Ştatları etnik mənsubiyyətindən və ölkəsindən asılı olmayaraq, hər kəsin hüquqlarına hörmət edildiyi regionda ədalətli və layiqli sülh üçün şəraitin yaradılmasını dəstəkləyir", - diplomatik missiyadan qeyd edilib.

Bundan əlavə, vurğulanıb ki, davamlı sülhə aparan yeganə yol danışıqlar masasına oturmaqdır.