Atəşkəs rejimi tamamən aradan qaldırıla bilər.

Axar.az xəbər verir ki, bu sözləri Suriya müxalifətinin təşkil etdiyi Yüksək Müzakirə Şurasının üzvü Əsəd Zuabi deyib.

O, Suriya rejiminin hər an atəşkəsi pozmağa cəhd etdiyini bildirib:

"Hazırda atəşkəsin pozulması deyil, atəşkəsin tamamən aradan qaldırılması təhlükəsi var. Beynəlxalq aləm bütün sferalarda uğursuz olduğunu göstərdi. Rejimə qarşı ciddi tədbirlər görülməlidir. Martın 7-də Cenevrədə yenidən sülh görüşmələri başlayacaq. Lakin mən bu görüşlər üçün heç bir hazırlıq aparıldığını görmürəm".

Yüksək Müzakirə Şurasının sözçüsü Səlim Muslet isə atəşkəsin pozulması hallarının aradan qaldırılması üçün mexanizm yaradılmasının vacibliyini bildirib:

"Rusiyanın və rejimin etdiklərini dayandıran bir qüvvə olmalıdır. Bu gün Rusiya 10, rejim isə 16 hava zərbəsi endirib".