Rusiyanı bir nömrəli təhlükə olaraq görürəm. Rəsmi Moskvanın müttəfiqlərimizlə əməkdaşlıq etməsi mümkündür.

Axar.az xəbər verir ki, bu sözləri ABŞ-ın Avropa üzrə Hərbi Hava Qüvvələri komandanı Frank Qorenc deyib.

O, Rusiyanın yeni növ silahları təkmilləşdirdiyini bildirib:

"NATO ilə yaşanan çəkişmədən dolayı rəsmi Moskva hərbi sahəyə daha çox diqqət ayırmağa başlayıb. Bunu nəzərə alaraq Avropaya F-35 qırıcıları göndərdik".

Qorenc onu da vurğulayıb ki, ABŞ potensial silah ixracatçılarını Rusiyaya uduzur:

"ABŞ-da silah istehsalı üçün lazım olan icazəni almaq çox çətindir. Əgər ABŞ-ın müttəfiqləri Rusiyanın hərbi texnologiyasından istifadə edərlərsə, ortaq əməliyyat həyata keçirmək çox çətin olacaq. Birlikdə çalışa bilmək üçün texnologiya və prosedurları yenidən nəzərdən keçirməliyik".