Polşa iyulun 2-dən 31-nə qədər öz sərhədlərində müvəqqəti olaraq nəzarəti bərpa edəcək.

Axar.az xəbər verir ki, bunu jurnalistlərə açıqlamasında Polşa Daxili İşlər naziri Mariuş Blaşak söyləyib. Onun sözlərinə görə, bu addım iyul ayında Polşada NATO sammitinin və Ümumdünya Gənclər Gününün keçirilməsi ilə əlaqədar atılıb:

"Sərhəddə nəzarətin bərpa edilməsi qeyri-adi hadisə deyil. Biz bu addımı 2012-ci ildə Avropa Çempionatı zamanı da atmışdıq".

Qeyd edək ki, NATO sammiti 8-9 iyulda Varşavada keçiriləcək. Ümumdünya Gənclər Günü isə 26-31 iyul arasında baş tutacaq. Krakovda keçiriləcək tədbirdə Roma Papası Fransisk də iştirak edəcək.