İran öz neftini Avropaya SUMED boru kəməri vasitəsilə çıxarmağı planlaşdırır.

Axar.az xəbər verir ki, bu barədə informasiyanı İranın Press TV kanalı yayıb. Tehran hələlik bu planın reallaşdırılması üçün Qahirənin cavabını gözləyir.

Qeyd edək ki, İran SUMED vasitəsilə neft ixracını 2012-ci ildə dayandırıb. Buna səbəb isə Qərbin tətbiq etdiyi iqtisadi sanksiyalar olub.

SUMED boru kəmərinin uzunluğu 320 kilometrdir. O, Qırmızı dənizi Misirin Aralıq dənizi sahilləri ilə birləşdirir. Boru kəməri konsorsiumdur. Onun 50%-i Misir hökumətinə, 15%-i "Saudi Aramko"ya (Səudiyyə Ərəbistanı), 15%-i "İnternəşnl Petrolium İnvestment Kompəni"yə (BƏƏ), 15%-i Küveyt hökumətinə və 5% "Qatar Petrolium"a məxsusdur. Bu boru kəməri vasitəsilə gündəlik 2,5 milyon barrel neft ötürmək mümkündür.