Rusiya XİN-in mətbuat katibi Mariya Zaxarova bugünkü mətbuat konfransında Qərbin Ermənistan və Gürcüstanda keçirilən aksiyalara ikili münasibətindən gileylənib.

Axar.az xəbər verir ki, Zaxarova Gürcüstanda müxalifətin “Xarici təsirin şəffaflığı haqqında” qanun layihəsinə qarşı keçirdiyi etiraz mitinqlərinə Qərbin birmənalı dəstək verməsini, hətta buna görə Gürcüstan hakimiyyətinə hər gün təzyiq etdiyini xatırladıb.

Bunu Gürcüstanın daxili işlərinə qarışmaq sayan Zaxarova qeyd edib ki, Ermənistanda aksiyaçılara qarşı kobud güc tətbiq edilir, kütləvi həbslər aparılır:

“Ancaq Qərb susur, sanki orda heç nə baş vermir və ya baş verənlər erməni xalqının iradəsini əks etdirmir”.