Rusiyanın Tu-160 tipli bombardmançı təyyarələri Fransanın Touqut şəhərindən 60 km uzaqlıqda La-Manş boğazının üzərindən keçib. Bu olay həm Fransa, həm də İngiltərədə ciddi narahatlığa səbəb olub.

Axar.az xəbər verir ki, bu barədə Fransa mediası məlumat yayıb.

Məlumata görə, nüvə başlıqları daşıyan Tu-160 təyyarələri fevralın 17-də radarlara düşsə də, fevralın 20-də Fransa Müdafiə Nazirliyinin saytında bu barədə kiçik xəbər verilib.

Bildirilib ki, sözügedən təyyarələr ilk dəfə La-Manş boğazı üzərindən uçarkən radarlara düşüb.

Digər məlumata görə, Rusiya təyyarələri İngiltərə və Fransanın qırıcları tərəfindən ərazidən uzaqlaşdırılıb.