Avropaya əsas giriş yolları bağlanacağı təqdirdə suriyalı miqrantlar fərqli marşrutlarla yenə köhnə qitəyə daxil olmağa çalışacaqlar.

Axar.az xəbər verir ki, bu barədə İngiltərənin "Qardian" qəzeti məlumat yayıb.

Məlumata görə, Türkiyə və Avropa Birliyi arasında miqrant axını ilə bağlı əldə olunan razılaşmadan sonra suriyalı qaçqınlarla söhbətləşən "Qardian" müxbirləri belə nəticəyə gəlib.

Nəşr miqrantların gizli marşrutlarını belə sadalayır:

"Liviya-İtaliya və Türkiyə-İtaliya arasındakı dəniz yolu, Bolqarıstan quru sərhədi, Qara dəniz üzərindən Ukraynaya və digər Balkan ölkələrinə dəniz yolu".