Rusiya İran Prezidenti İbrahim Rəisinin öldüyü helikopter qəzasının araşdırılmasına yardım etməyə hazırdır.

Axar.az xəbər verir ki, bunu Rusiya Prezidenti Vladimir Putin Dövlət Dumasının sədri Vyaçeslav Volodinlə görüşdə deyib.

“Əgər həmkarlarımızın ehtiyacı olarsa, biz onlara bu fəlakətin əsl səbəblərinin müəyyən edilməsində ekspert dəstəyi, ekspert yardımı göstərmək üçün hər şeyi etməyə hazırıq”, - deyə Kreml rəhbəri bildirib.

Qeyd edək ki, İran Prezidenti İbrahim Rəisi, xarici işlər naziri Hüseyn Əmir Abdullahian, Təbrizin imam cüməsi Ayətullah Əli Al-Haşim, Şərqi Azərbaycan vilayətinin valisi Malik Rəhməti 19 mayda Şərqi Azərbaycan vilayətində baş verən helikopter qəzasında həlak olub.