Yaponiya hakimiyyəti Rusiyanı Şimali Koreyadan silah almaqda ittiham edib. Cavab tədbiri olaraq Rusiyadan bir fiziki və doqquz hüquqi şəxs, həmçinin Kiprdən iki hüquqi şəxs sanksiya siyahısına əlavə edilib.

Axar.az xəbər verir ki, bu barədə Yaponiya XİN-i məlumat yayıb.

Sanksiya siyahısına “Transmorflot”, “M-Lizinq”, “Azia” gəmiçilik şirkəti, dövlət aviaşirkəti 224-cü Uçuş Dəstəsi və onun baş direktoru Vladimir Mixeyçik, “Şərqi Stevidornaya Şirkəti”, “Vladimirovka” tədqiqat kompleksi, “Aşuluk” poliqonu, “Azia Shipping” və s. əlavə olunub. Siyahıdakı hər kəsin aktivləri dondurulacaq və ödənişləri də məhdudlaşdırılacaq.