Rusiya Prezidenti Vladimir Putinin hədəfi Avropanı bölməkdir. Artıq bu arzusunu gizlətmir.

Axar.az xəbər verir ki, bu iddia ilə rusiyalı müxalifətçi Harri Kasparov Litvada baş tutan "Azad Rusiya Forumu"nda çıxış edib.

O bildirib ki, Rusiya qəsdən Avropadakı vəziyyəti pisləşdirərək NATO-nu zəiflətməyə çalışır:

"Rusiyanın NATO ölkələrinə qarşı müharibə etmək ehtimalı aşağıdır. Çünki rəsmi Moskva NATO ilə qarşılaşacağını bilir".

Kasparov Boris Nemtsovun ölümü ilə Rusiyanın son müxalifətçisini də itirdiyini vurğulayıb:

"Bu gün Rusiyada Putini tənqid edə bilməzsiniz. Bu qətiyyən mümkün deyil. Nemtsov son dəqiqəsinə qədər buna inanırdı və qarşılığında bədəlini ödədi".