Qazaxıstan şəhərləri əslən rusdur, ona görə də Rusiyanın onlara tarixi hüquqları var.

Axar.az xəbər verir ki, bunu Rusiya Dövlət Dumasının vitse-spikeri Pyotr Tolstoy deyib.

Tolstoyun sözlərinə görə, Moskva Ukrayna mövzusunu bağlamasa, Qazaxıstanla, Ermənistanla və Rusiyanı əhatə edən digər ölkələrlə problem yaşayacaq:

“Baxın, bu gün Qazaxıstanda müəyyən bir qazax dövlətinin yenidən qurulması baxımından nə baş verir. Orada müstəqillik, latın əlifbasına keçidlə bağlı hansısa milli mifologiya çiçəklənir.

Almatının 1867-ci ildən 1921-ci ilə qədər keçmiş Vernı şəhəri olduğunu qazaxlar unudublar. Rus qalamız kazaklıqdır. Və bu hekayə milli kimlik üçün vacibdir. Hekayə uydurmağa ehtiyac yoxdur”.