Rusiya Prezidenti Vladimir Putin etibarlı yerli təyyarələrdən istifadə edir.

Axar.az xəbər verir ki, bunu Kremlin mətbuat katibi Dmitri Peskov İran Prezidenti İbrahim Rəisinin helikopter və Malavi vitse-prezidenti Saulos Çilimanın təyyarə qəzasında həlak olmasından sonra Rusiya lideri Putinin hava nəqliyyatı ilə bağlı ehtiyat tədbiri görüb-görmədiyi barədə sualı cavablandırarkən deyib.

“Rusiya prezidenti yerli təyyarələrdən istifadə edir, bunlar da çox etibarlı təyyarələrdir. Həmin təyyarə və helikopterlərə xüsusi texniki qulluq göstərilir. Ölkəmizdə istənilən avadanlığa lazımi səviyyədə xidmət var. Bununla bağlı çox ciddi standartlar mövcuddur, təbii ki, bunlara dəqiq əməl olunur”, - o bildirib.