Keçmiş prezident Robert Köçəryan və katolikos II Qareginin rəhbərlik etdiyi hərəkat parlamentin qarşısında polislərə qarşı hücumları dəstəkləyir.

Axar.az xəbər verir ki, bunu Ermənistan Baş naziri Nikol Paşinyan deyib.

“Yepiskop rütbəsindəki bir adam polisi təhlükədə olmadıqlarına inandıraraq dəbilqələrini çıxarmağa çağırıb. Lakin tezliklə onlara daş atmağa başladılar. Nəticədə 18 polis və 83 mülki şəxs yaralandı”, - Paşinyan bildirib.

Paşinyan qeyd edib ki, polisin hərəkətləri qanunauyğun olub və bundan sonra da dövlətçiliyin və suverenliyin qorunması üçün analoji tədbirlərdən istifadə olunacaq.

Qeyd edək ki, ötən gün Ermənistan DİN 17 polisin və 98 aksiyaçının yaralandığını bildirmişdi.