Rusiya ordusu Zaporojye vilayətinin cənubunda hərbi əməliyyatları intensivləşdirmək üçün ehtiyat toplayır.

Axar.az xəbər verir ki, bunu ukraynalı hərbi ekspert Vladislav Seleznev deyib.

"Hazırda Rusiya ordusunun Rabotino bölgəsində fəal şəkildə hücum hərəkətlərinə hazırlaşdığı barədə çox az məlumat var. Ruslar Mariupol limanına fəal şəkildə hərbi texnika və avadanlıq gətirirlər. Onlar qoşunların cənubda qruplaşdırılmasını tam təmin etməyə çalışırlar. Düşünürəm ki, yaxın gələcəkdə onlar Zaporojye vilayətinin cənubunda və ola bilsin ki, Donetsk vilayətinin cənub-şərq hissəsində aktiv hərbi əməliyyatlara başlayacaqlar", - ekspert vurğulayıb.

Seleznev qeyd edib ki, rus işğalçıları Ukraynanın işğal olunmuş ərazilərində öz qruplaşmalarını qururlar.

Onun sözlərinə görə, indi düşmən üçün Ukrayna ehtiyatlarını və resurslarını cəbhənin müxtəlif istiqamətlərində uzatmaq vacibdir.