Türkiyə Prezidenti Rəcəb Tayyib Ərdoğanın köməkçisi Cövdət Yılmaz, xəzinə və maliyyə naziri Mehmet Şimşək, AKP nümayəndəsi Abdullah Gülər və millət vəkili Mustafa Əlidaş təqaüdçülərin pensiyalarının artırılmasını müzakirə etmək üçün iclas keçirəcək.

Axar.az xəbər verir ki, bu barədə Türkiyə mediası məlumat yayıb.

Bildirilib ki, hazırda ölkədə minimum pensiya məbləği 10 min lirədir. Qeyd olunub ki, bu məbləğin 12-13 minə yüksəldilməsi planlaşdırılır. Eyni zamanda, digər təqaüdçülərin pensiyasında da artım gözlənilir.

İclasın bu gün və ya sabah keçiriləcəyi ehtimal edilir.

Qeyd edək ki, hazırda Türkiyədə minimum əmək haqqı 17 002 lirədir.