Rusiyanın Kuban regionunda havanın temperaturu 41 dərəcəyə çatacaq.

Axar.az xəbər verir ki, bu barədə Rusiya Fövqəladə Hallar Nazirliyinin Krasnodar diyarı üzrə Baş İdarəsi məlumat yayıb.

"İstilər iyulun 18-dək davam edəcək. İyulun 16, 17 və 18-i gündüz və axşam rayonda güclü isti olacağı gözlənilir. Bu müddət ərzində havanın temperaturu selsi üzrə +39 dərəcədən 41 dərəcəyə çatacaq ki, bu da təhlükəli hadisə adlanır. Qara dəniz sahillərində 37 dərəcə isti gözlənilir. Abrau-Durso kəndi yaxınlığında isə böyük təbii yanğın davam edir.

Fövqəladə vəziyyət zonasında quru, isti hava və güclü külək nəticəsində vəziyyət mürəkkəbləşib", - məlumatda deyilir.