İqtisadi paketin həyata keçirilməsindən beş ay sonra Kubada həddindən artıq yüksək olan yoxsulluq səviyyəsi 89 faizə çatıb.

Axar.az xəbər verir ki, Kuba İnsan Hüquqları Departmentinin (OCDH) məlumatına görə, əhalinin 19 faizi ayda 5 avrodan az, 33 faizi 15 avrodan az, 19 faizi isə 30 avrodan az vəsaitlə dolanır. Respondentlərin yalnız 3 faizi ayda 195 avrodan çox qazanır.

“Kubadakı sosial hüquqların vəziyyəti” adlı hesabatda qeyd olunur ki, bu rəqəmlər milyonlarla Kuba ailəsinin fikrincə, onları əzən yoxsulluq, qida və dərman çatışmazlığı və əsas dövlət xidmətlərinin davamsızlığının nəticəsidir. Gələcəyə inamın olmaması getdikcə artan miqrasiya axınının əsasını təşkil edir.