İyulun 22-də səhər saatlarında Ukrayna pilotsuz təyyarələri Tuapsedə Rusiyanın Qara dəniz sahilində yeganə neft emalı zavoduna növbəti dəfə hücum edib.

Axar.az xəbər verir ki, bu barədə Krasnodar vilayətinin operativ qərargahı məlumat yayıb.

“PUA qalıqlarının düşməsi nəticəsində Tuapsedəki neft emalı zavodunun infrastrukturuna ziyan dəyib. 50 kv/m sahəni əhatə edən yanğın söndürülüb. İlkin məlumata görə, xəsarət alan olmayıb”, - məlumatda bildirilib.

Krasnodar diyarının Tuapse rayonunun rəhbəri Sergey Boyko bildirib ki, bundan əvvəl şəhərin üzərində səkkiz pilotsuz təyyarə vurulub. Onun sözlərinə görə, bundan əvvəl yanvar və may ayında Tuapse neft emalı zavoduna dron hücumu olub.

Qeyd edək ki, Ukrayna 6 ay ərzində Rusiyanın 50-yə yaxın neft və neft emalı zavoduna zərbə endirib.