Bir ay öncə Suriya konflikti ilə bağlı əldə olunan sülh terrorçulara vurulan ağır zərbədir.

Axar.az xəbər verir ki, bunu Almaniya mətbuatına açıqlamasında Xarici İşlər naziri Frank Valter Ştaynmayer söyləyib. Onun sözlərinə görə, son 5 il ərzində ilk dəfə Suriya konfliktinin başa çatması ilə bağlı ümid yaranıb. O, həmçinin Rusiyanın bu konfliktdə radikal islamçıların ölkəyə geri dönməsindən qorxduğuna görə iştirak etdiyini bildirib:

"Moskva bununla həmçinin Yaxın Şərqdə öz mövqelərinin təhlükəsizliyini təmin etməyə çalışıb. O, burada öz təsirini gücləndirməyi də qarşısına məqsəd qoyub".

Ştaynmayer həmçinin qaçqınları terrorçularla eyniləşdirməməli tövsiyyə edib. O qeyd edib ki, radikalların böyük əksəriyyəti Avropada böyüyən şəxslər olublar.