Türkiyədəki ABŞ hərbçilərinin ailələrinin ölkədən ayrılmaları ilə bağlı etdiyimiz çağırış hər hansı xüsusi terror təhlükəsi ilə bağlı deyil.

Axar.az xəbər verir ki, bu sözləri ABŞ Dövlət Departamentinin sözçüsü Con Kirbi söyləyib.

O bildirib ki, qərar son dövrlər Türkiyənin təhlükəsizliyi ilə bağlı aparılan araşdırmalar nəticəsində qəbul edilib:

"Bu qərar oradakı insanların təmkinli olmaları və təhlükəsizliklərinin qorunması üçün qəbul edilib".

Qeyd edək ki, ötən gün Pentaqon Türkiyənin İncirlik bazasında təlim keçən ABŞ hərbçilərinin ailələrinin ölkəni təcili tərk etmələri ilə bağlı xəbərdarlıq edib.